ಭವ್ಯ ಪರಂಪರೆಯ ಹಂಪಿ

ಕನ್ನಡ ನಾಡಿನ ಶಿಲ್ಪಕಲೆ , ಸಂಸ್ಕೃತಿ, ಸಾಹಿತ್ಯ, ಪ್ರತಿ ಬಿಂಬ ಇಂದಿನ ಹಂಪಿ. ಬಳ್ಳಾರಿ ಜಿಲ್ಲೆಯ, ಹೊಸಪೇಟಿಯ ಹತ್ತಿರವಿರುವ ಈ ಹಂಪಿ ವಿಜಯ ನಗರ ಸಾಮ್ರಾಜ್ಯದ ರಾಜಧಾನಿಯಾಗಿತ್ತು. ಭವ್ಯ ಸಂಸ್ಕೃತಿಯ ನೆಲೆವೀಡು ಈ ಹಂಪಿ. ಇಂದಿಗೂ ತನ್ನ ಗತವೈಭವವನ್ನು ಸ್ಮಾರಕಗಳು ಮತ್ತು ದೇವಾಲಯಗಳಿಂದ ಎತ್ತಿ ಸಾರುತ್ತದೆ.



ಹಂಪಿಯನ್ನು ಹಲವಾರು ಪ್ರಸಿದ್ಧ ರಾಜ ಮನೆತನಗಳು ಅಳಿಹೊಗಿದ್ದಾರೆ ಅವರು ಕನ್ನಡ ನಾಡು ನುಡಿಗೆ ಕೊಟ್ಟ ಕೊಡುಗೆ ಅಪಾರ. ಅವರಲ್ಲಿ ವಿಜಯ ನಗರ ಸಾಮ್ರಾಜ್ಯವು ಒಂದು, ಅದರಲ್ಲೂ ಶ್ರೀ ಕೃಷ್ಣದೇವರಾಯನ ಕಾಲವನ್ನು ಸುವರ್ಣ ಯುಗ ಎಂದು ಹೇಳಲಾಗಿದೆ. ಮೊದಲು ಹಂಪಿಯನ್ನು ಪಂಪ, ವಿರುಪಾಕ್ಷಪುರ ಮತ್ತು ವಿಜಯ ನಗರ ಎಂತಲೂ ಕರೆಯುತ್ತಿದ್ದರೆಂದು ಇತಿಹಾಸದ ಮೂಲಕ ತಿಳಿಯಲಾಗಿದೆ. ಹಂಪಿ ತನ್ನದೇ ಆದ ವಿಶಿಷ್ಟವಾದ ವಾಸ್ತುಶಿಲ್ಪವನ್ನು ಹೊಂದಿದೆ.



ವಿರುಪಾಕ್ಷ ದೇವಾಲಯ, ಉಗ್ರ ನರಸಿಂಹ, ವಿಠ್ಠಲ ದೇವಾಲಯ, ಲೋಟಸ್ ಮಹಲ್, ನಕ್ಷತ್ರ ಬಾವಿ , ಅನೆ ಲಾಯಗಳು, ಸಾಸಿವೆ ಗಣಪತಿ ಹೀಗೆ ಹಲವಾರು ಬಗೆಯ ಶಿಲ್ಪದಿಂದ ಸ್ಥಾಪಿಸಲಾದ ಸ್ಮಾರಕಗಳು ಮತ್ತು ದೇವಾಲಯಗಳು ಹಂಪಿಯಲ್ಲಿ ಕಾಣ ಸಿಗುತ್ತವೆ.